الشاورما التركية
سهل طريقة لتحضير الشاورما التركية وهي من افضل الطرق لتحضير الشاورما التركية اللذيذة
اقرأي كيف تقومي بتحضير الشاورما التركية
المقادير:
• كيلو شرائح فيليه كندوز.
• 2 معلقة بهارات.
• ملح / فلفل.
• نص كوب خل.
• شرائح من اللية الضاني "علشان تديها طعم".
• بصل مقطع مكعبات.
الطريقة:
• هنحط شرائح اللحمة في حلة "بايريكس" ونتبلها بالملح والفلفل والبهارات ونحط عليهم البصل.
• نحط عليها شرائح اللية علشان تعطي رائحة وطعم حلو وبعد كده هندخلها الفرن.
• بعد ما تخرج من الفرن نشيل اللية من عليها.
• نجيب طاسة ونحط فيها زيت ونحط عليها الشاورمة اللي خرجت من الفرن ونقلبهم مع بعض...وبعد كده نجيب عيش شامي كبير وندهنه سلطة طحينة ونحشيه بالشاورمة ونقفل رغيف العيش كويس.
• نجيب طاسة وندهنها زبدة ونحطها على النار ونحط الرغيف في الطاسة لغاية ظهره ما يحمر وبعد كده نقلبه على وشه علشان هو كمان يحمر.
• نجيب طبق التقديم ونقطع الرغيف نصفين ونزينه بالبقدونس والطماطم. ده الشكل النهائي لطبق "الشاورمة على الطريقة التركية"
بالهناء والعافيه
موضوع: طريقة عمل الشاورما التركيهـ 
السبت يوليو 02, 2011 5:55 am
