تحدى بين بنات العلمي وبنات الادبي

+
السلام عليكم كيفكم----
-بنت العلمي:
حسبي الله على من تسلط على المسلمين
ضعنا ونبي رأيكم يالسامعين
سهرنا الليل ورحنا نقول دارسين
وقلوبنا من الأسئلة حافظين
حفظنا الذهب والفضة وجانا الخارصين
والفراغات مليناها كلها تخمين
ورحنا للسؤال الثاني على بالنا فاهمين
معادلات مع الأوزان عز الله ضايعين
ماعرفنا من الرموز إلا الماء والأكسجين
وإلا السؤال الثالث يا من يعين
مسالة ما نعرف لها رأس من رجلين
اكتبي الصيغة الوزنية ما حنا عارفين
والقوانين والله يستر على القوانين
تكسرت الآلة من الطقطقة مابقى إلا زرين
والمصيبة مشرفتنا تصرخ يا نايمين
من زود الوناسة شايفتنا قاعدين
سلمنا الأوراق ما فيها صح إلا اثنين
الاسم ورقم الفصل وعلى الباقي مشطبين
يا ناس أنصفونا من الظالمين
وإلا ترانا أخر السنة من الراسبين
وأخرتها سلامتكم يا لربع والسالمين
وإذا مااشتكينا لكم نشتكي لمين

شافوها بنات الأدبي فتبرعت وحده منهم وردت :
من قال لكم تدخلون علمي يا المجانين
هذي هي سوات أيديكم يا الفالحين
اسهروا ليلكم مع نهاركم يا الشاطرين
وحنا بنشخر مع النايمين
وحفظ الأدب والمكتبة ومواد الدين
على طول بنجاوب دامنا حافظين
قلنا لكم نيوتن وفيثاغورس ميتين
وجعلكم ماتصيرون بأنفسكم فالحين
وأخرتها الله يسلمكم يالسامعين
وان شاء الله نشوفكم مع الراسبين
تنرفزوا بنات العلمي وقالوا :
دايم عند الاداره يامخابيل متهاوشين
تحطون رأسكم براس العلمي يا المساكين
ترى لكم الكرف والبيت وغسل المواعين
اتركوا عنكم الحقد مركزنا منتو بواصلين
حنا لنا العلم والمستقبل يا المساكين
وأخرها الله لايسلمكم من البلاء يا المساكين
وأخر السنه ان شاء الله نكون من الناجحين

أعجبني الموضوع فنقلته لكم ................